आंख्यां सूजी उडीकतां
इतरो काँईं गुमान होग्यो।
फेरूँ-फेरूँ बा'वड़ी
बेरण थारी ओळूँ।
मन रो मिन्दर सून पड़्यो
सूनो कुंकुंम थाळ रोळूँ।
रात रूवाणै कागला
रूसेड़ो भगवान् होग्यो ।
झालो दे'र बुलावै है
खेजड़ली रा खोख्र्या।
थारो नाम खुदेड़ो रे'सी
डूंगर खम्बा पोख्र्या।
बाटड़ली रो जोव्णों
म्हारो वेद पुराण होग्यो।
करड़ी घणी कुर्ळावै कुरजां
काट-काट नीं खावै है ।
नेह निरो'ई इतरो गै'रो
मन रा तार बजावै है ।
उतरूँ-उतरूँ डूबूँ -डूबूँ
'ढाई -आखर' ज्ञान होग्यो.
कोई टिप्पणी नहीं:
एक टिप्पणी भेजें